Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Европа Кенгаши президентининг ташқи сиёсат масалалари бўйича бош маслаҳатчиси билан учрашув тўғрисида
2021-11-16 | Сиёсат
Брюссел шаҳрида Ўзбекистон Республикаси Ташқи ишлар вазири Абдулазиз Камилов бошчилигидаги делегатсия Европа Кенгаши президентининг ташқи сиёсат масалалари бўйича бош маслаҳатчиси Саймон Мордю билан учрашди.
Мулоқотда томонларни қизиқтирган соҳалардаги Ўзбекистон-Европа ҳамкорлигининг долзарб масалалари кўриб чиқилди.
Сиёсий мулоқотни фаоллаштириш, парламентлараро алоқаларни ривожлантириш, Ўзбекистон билан Европа Иттифоқи ўртасида кенгайтирилган шериклик ва ҳамкорлик тўғрисидаги Битим бўйича музокаралар жараёнини жадаллаштириш, хавфсизлик соҳасидаги саъй-ҳаракатларни мувофиқлаштириш, шунингдек, минтақалараро алоқаларни кенгайтириш муҳимлиги қайд этилди.
“Ўзбекистон – Европа Иттифоқи” ва “Европа Иттифоқи – Марказий Осиё” шаклларида бўлажак тадбирлар жадвали юзасидан фикр алмашилди.
Афғонистондаги бугунги вазият ва унинг минтақавий хавфсизликка таъсирига алоҳида эътибор қаратилди. Афғонистон халқига инсонпарварлик ёрдами кўрсатишда жаҳон ҳамжамиятининг саъй-ҳаракатларини бирлаштириш зарурлиги ҳақида умумий фикр билдирилди.
Манба: Ўзбекистон Республикаси Ташқи ишлар вазирлиги
