Суҳбат чоғида Ўзбекистон билан USAID ўртасидаги ҳамкорликнинг бугунги ҳолати ва истиқболлари, устувор дастурлар ҳамда лойиҳаларни амалга ошириш масалалари муҳокама қилинди. Томонлар соғлиқни сақлаш, таълим, қишлоқ хўжалиги, суд-ҳуқуқ тизимини такомиллаштириш каби соҳалардаги ҳамкорликни давом эттиришга тайёр эканлигини билдирди. Афғонистондаги бугунги вазият, мамлакатда инсонпарварлик инқирозни олдини олиш мақсадида инсонпарварлик ёрдамини кўрсатиш, халқаро ҳамжамиятнинг бу борадаги саъй-ҳаракатларини мувофиқлаштириш масалалари юзасидан фикр алмашилди.