Б.Тўрабойев мусобақада испаниялик Алварес, бразилиялик Барбоза, украиналик Калченкони мағлубиятга учратган ҳолда финалга етиб борди, аммо ҳал қилувчи баҳсда мезбон спортчи Бруно Силва имкониятни бой берди. Шундай бўлса-да, Тўрабойев дзюдо бўйича фахрийлар ўртасидаги жаҳон чемпионатида совриндор бўлган илк ўзбекистонлик спортчига айланди.

Тўрт кун давомида Португалия пойтахти Лиссабон шаҳри дзюдо бўйича фахрийлар ўртасида жаҳон чемпионатида мезбонлик қилди. Шуни алоҳида таъкидлаш жоиз, Ўзбекистон терма жамоаси илк бор ушбу мусобақада иштирок этди. Мамлакатимиз дзюдоси тарихида шу кунга қадар ҳеч ким фахрийлар ўртасидаги жаҳон чемпионатида татамига чиқмаган эди. Лекин илк уринишдаёқ терма жамоамиз аъзоси кумуш медалга сазовор бўлди.

Шунингдек, Жаҳон чемпионатида ҳамюртларимиздан Жамшид Файзийев (-100 кг) кучли бешликдан жой олган бўлса, -81 кг вазндаги дзюдочимиз Жаҳонгир Эшманов 7-ўрин билан чекланди.

Манба: Ўзбекистон Республикаси Туризм ва маданий мерос вазирлиги