Инвестициялар ва ташқи савдо вазирлигида Польша Республикасининг Ўзбекистон Республикасидаги янги тайинланган Фавқулодда ва Мухтор Элчиси Р.Грук билан учрашув бўлиб ўтди.

Музокаралар чоғида икки мамлакат ўртасидаги савдо-иқтисодий, инвестициявий ва молиявий-техник ҳамкорликни ривожлантириш масалалари муҳокама қилинди.

2022 йилнинг биринчи чорагида Ўзбекистон-Польша бизнес-форумини ўтказиш бўйича қўшма саъй-ҳаракатлар, шунингдек, Ўзбекистон ва Польша ҳудудлари ўртасида тўғридан-тўғри ҳамкорликни йўлга қўйиш ва мамлакатда лойиҳаларни амалга ошириш учун Польша инвестицияларини жалб этиш механизмлари муҳокама қилинди.

Учрашув якунида иккала томон ҳам манфаатдор соҳаларда ҳамкорликни давом эттиришга келишиб олдилар.

Манба: Ўзбекистон Республикаси инвестициялар, саноат ва савдо вазирлиги