Дарвоқе, мамлакатимизнинг ҳар бир фуқароси ўз тақдирини юрт тақдири билан боғлар экан, ундаги сиёсий жараёнларда ҳам фаол иштирок этиши, давлат бошқарувида муносиб номзодни сайлаш орқали қатнашиши муҳим аҳамиятга эга.

 

Сайловларда илк маротаба иштирок этаётган ёшларнинг доимий равишда ўзларининг сиёсий-ҳуқуқий билимларини ошириб боришлари, уларнинг жамиятимизнинг ижтимоий-сиёсий ҳаётида фаол иштирок этишлари, мамлакатимизда амалга оширилаётган ижтимоий-иқтисодий ва сиёсий-ҳуқуқий соҳалардаги кенг қамровли ислоҳотларнинг самараси ва таъсирчанлигининг ошишига хизмат қилади. Бу йилги сайловда Фарғона вилоятида 141 мингдан зиёд йигит-қиз биринчи марта сайловда иштирок этади. Форум давомида талабалар участка сайлов комиссиясининг овоз бериш кунидаги фаолияти ва овоз бериш тартиби ҳақида батафсил маълумотларга эга бўлди.

–«Сайлов –2021: Келажагинг учун овоз бер» шиори остида ўтказилган ёшлар форуми юқори савияда ўтди. Форум йигит-қизларни бир мақсад йўлида бирлаштира олди,  –дейди ёшлар билан ишлаш бўйича проректор Ойбек Бозоров.

Форум давомида институт талабаларининг «Тарона» рақс ансамбли ижро этилган нафис рақслар ҳамда янграган куй-қўшиқлар барчани кайфиятини кўтариб, форумга ўзгача шукуҳ бахш этди.