Молия вазири ўринбосари Одилбек Исаков Европа Тикланиш ва Тараққиёт банки ғазначилиги бошқарув директори Ахел ван Недервеен билан учрашув ўтказди.

Учрашувда шунингдек, Молия вазирлиги Ғазначилиги бошлиғининг биринчи ўринбосари Муродбек Атаджанов, Хатарларни бошқариш ва хеджирлаш масалалари бўйича консултант Нодирбек Собиров ва Европа тикланиш ва тараққиёт банкидан Портфел бошқаруви департаменти бошлиғи Ауде Паcатте, Портфел бошқаруви департаменти трейдери Азамат Мауилшарип ҳамда ЕТТБнинг Марказий Осиё бўйича директори Жаҳан Шамсиев ва бир қатор масъул ходимлар иштирок этдилар.

Учрашув давомида томонлар Ўзбекистонда деривативлар бозорини ривожлантириш, молия бозори самарадорлигини ошириш ва янги капитал бозор инструментларини жорий этиш орқали Ўзбекистон иқтисодиётини хорижий валютага боғлиқлигини камайтириш,қарз маблағларини миллий валютада жалб қилиш ҳамда хорижий валютадаги қарзларни миллий валютага ўгириш орқали хорижий валютадаги тўловлар юкини камайтириш юзасидан фикр алмашдилар.

Манба: Ўзбекистон Республикаси Молия вазирлиги