Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Европа тикланиш ва тараққиёт банки билан англашув меморандуми имзоланди
2021-10-11 | Иқтисодиёт
Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлиги ҳамда Европа тикланиш ва тараққиёт банки (ЕТТБ) ўртасида англашув меморандуми лойиҳаси имзоланди. Ушбу меморандум Тадбиркорликни ривожлантириш агентли директорининг биринчи ўринбосари Ботир Ахмедов ҳамда ЕТТБнинг Марказий Осиё бўйича бошқарувчи директори Жужанна Харгитаилар томонидан имзоланди.
Шунингдек, “Ўзбекистон Республикасида кичик ва ўрта корхоналарни ривожлантириш консепсияси, стратегияси ва салоҳиятини қўллаб-қувватлаш бўйича ҳамкорлик” лойиҳаси ишлаб чиқилганлиги ва ЕТТБ томонидан лойиҳа доирасида қуйидаги таклифлар назарда тутилди:
- республикада кичик ва ўрта бизнес ривожланиш консепсиясини ишлаб чиқиш;
- кичик ва ўрта бизнесни ривожлантириш стратегиясини ишлаб чиқиш;
- тадбиркорликни ривожлантириш агентлигининг асосий йўналишларини аниқлаган ҳолда агентликнинг аниқ, ўлчовли, эришиш мумкин бўлган, муҳим ва муддатли мақсадларини шакллантириш;
- агентликнинг келгусидаги фаолияти бўйича таклифлар бериш ва унинг бажарилишини қўллаб-қувватлаш. Томонлар ушбу меморандум келгуси ҳамкорлик алоқаларининг кенгайишида муҳим рол ўйнашини таъкидладилар.
Манба: Ўзбекистон Республикаси Иқтисодиёт ва молия вазирлиги
