Жорий йилнинг 7 октябрь санасида Иқтисодий тараққиёт ва камбағалликни қисқартириш вазирининг биринчи ўринбосари Илҳом Норқулов Европа тикланиш ва тараққиёт банкининг Марказий Осиё бўйича бошқарувчи директори Zsuzsanna Hargitai билан учрашув ўтказди.

Учрашувда, шунингдек, Европа тикланиш ва тараққиёт банкининг Ўзбекистондаги раҳбари Alkis Drakinos, YTTBнинг Яшил иқтисодиёт бўйича бошқарувчи директори Genri Boyd-Karpenter ҳамда Давлат хусусий шериклигини ривожлантириш агентлиги директори ўринбосари Нодир Нуритдинов иштирок этдилар.

Учрашув давомида томонлар яшил иқтисодиётга ўтиш истиқболлари, иқтисодиётни декарбонизация қилиш, қайта тикланадиган ресурслардан, хусусан, қайта тикланадиган энергия манбаларидан фойдаланиш, шамол, қуёш энергиялари, электр қуввати билан ҳаракатланадиган автомобиллар ишлаб чиқариш каби масалаларни муҳокама қилдилар.

Манба: Ўзбекистон Республикаси Иқтисодиёт ва молия вазирлиги