Спортнинг оғир атлетика тури бўйича -109 кг вазн тоифасида Токио-2020 Олимпиадаси ғолиби Акбар Жўраев Самарқанд Олимпия захиралари коллежи спортчилари билан учрашди. Учрашув давомида номдор спортчимиз ўзининг Олимпиада чемпионлиги сари босиб ўтган йўли, тажрибаси ва маслаҳатлари билан ўртоқлашди.

Шунингдек, самимий учрашув давомида А.Жўраев самарқандлик ёш спортчиларга мастер-класс ўтиб берди. 

Олимпия захиралари коллежи ўқувчилари чемпион билан учрашувдан руҳланиб, мақсадлари сари ҳаракат учун қўшимча куч олдилар десак, муболаға бўлмайди. Бу каби учрашувлар ёшларга катта мотивация беради.

Манба: Ўзбекистон Республикаси Туризм ва маданий мерос вазирлиги