Жиззах вилояти Зарбдор тумани чекка ҳудудларида жойлашган мактаб ўқувчиларига IT-марказ ходимлари томонидан “Бир миллион дастурчи” лойиҳаси доирасида тушунчалар берилди.

Дарслар давомида ўқувчилар  IT марказлардаги мавжуд ўқув курслари, унинг фаолияти ва “Бир миллион дастурчи” лойиҳаси ҳақида маълумотларга эга бўлдилар. Тумандаги ёшларни замонавий касбга йўналтириш ва уларни келажак касби ҳисобланган  IT дастурлаш бўйича сифатли ва бепул онлайн масофавий таълимга жалб этиш мақсадида тақдимотлар ўтказилди.  Шу билан бирга, иштирокчиларга лойиҳанинг мазмун моҳияти, рўйхатдан ўтиш тартиблари, онлайн ўқув машғулотлари ва видеодарслар, шунингдек, ахборот технологиялари соҳасида амалга оширилаётган ислоҳотлар ва соҳадаги сўнгги янгиликлар тўғрисида батафсил маълумот берилди.

Манба: Ўзбекистон Республикаси Рақамли технологиялар вазирлиги