Кўриниш
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
“J.P.Morgan” томонидан ташкил этилган халқаро конференция доирасида Молия вазирлиги хорижий инвесторлар билан тақдимот ва яккама-якка учрашувлар ўтказди
2021-09-24 | Иқтисодиёт
Жорий йилнинг 22 сентябрь куни “J.P.Morgan” томонидан соат 11:00 дан 19:00 гача (Тошкент вақти билан) “Ривожланаётган мамлакатлардаги қарздорликлар конференцияси” (Emerging Markets Credit Conference) тадбири бўлиб ўтди ҳамда унда халқаро инвесторлар билан виртуал глобал телеконференция ва яккама-якка учрашувлар ўтказилди. Яккама-якка учрашувларда Bluebay Asset Management, Aberdeen Asset Managers, NNIP, Barings, Goldman Sachs Asset Management, Pimco Europe, Franklin Templeton, Abu Dhabi Investment Authority, Global Evolution, Stone Harbor Investment Partners каби 30 дан ортиқ инвестицион фондлар иштирок этди.
Маълумот учун: “Ж.П.Морган” дунёдаги энг йирик корпорациялар, ҳукуматлар ва 100 дан ортиқ мамлакатлардаги ташкилотларга молиявий хизматларни таклиф қилувчи глобал етакчидир. 2020 йилда “J.P.Morgan” томонидан ўтказилган конференсияда 833 та инвестор, 8 та суверен мамлакатлар ва 101 та корпоратлар (йирик давлат улуши мавжуд ташкилотлар) иштирок этганлар.
Манба: Ўзбекистон Республикаси Молия вазирлиги
