Ўзбекистон Республикаси
Ҳукумат портали
“Рақамли Ўзбекистон - 2030” стратегиясида белгиланган лойиҳалар ижроси Давлат активларини бошқариш агентлиги раҳбар ва масъул ходимлари иштирокида муҳокама этилди
2021-09-21 | Технологиялар
2021 йил 21 сентябрь куни Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекцияси бошлиғи, Ахборот технлогиялари ва коммуникацияларини ривожлантириш вазирининг биринчи ўринбосари, Давлат активларини бошқариш агентлиги директорининг ўринбосари, бошқа масъул ходимлар иштирокида “Рақамли Ўзбекистон - 2030” стратегиясида белгиланган ва агентлик ижросига бевосита масъул бўлган лойиҳаларнинг амалга оширилиш ҳолати муҳокама қилинди.
Йиғилишда Ўзкомназорат бошлиғи томонидан лойиҳаларни ўз вақтида, сифатли амалга ошириш, ахборот тизимларини ишга тушириш, ходимларнинг АКТ ҳамда “Электрон ҳукумат”, рақамли технологиялар йўналишидаги билимларини мустаҳкамлаш ва бошқа муҳим масалалар юзасидан агентлик мутасаддиларига тавсиялар берилди.
Ахборот технологиялари ва коммуникацияларини ривожлантириш вазирининг биринчи ўринбосари ҳам лойиҳалар ижросини таъминлашнинг аҳамияти, вазирлик томонидан бу борада ўрганишлар орқали ҳамкорлик қилиш муҳим эканлигини қайд этди. Йиғилиш якунида лойиҳаларни амалга ошириш бўйича асосий вазифалар белгилаб олинди.