Давлат ва жамият тараққиёти, халқ фаровонлигини таъминлашда соғлиқни сақлаш, илм-фан, таълим-тарбия, маданият ва санъат, айниқса спорт соҳалари муҳим аҳамият касб этиши барчамизга яхши маълум.

Давлатимиз раҳбари томонидан юртимизда жисмоний тарбия ва спортнинг оммавийлигини ошириш, ёшларнинг спортда ўз куч ва иқтидорларини намоён этиши учун кенг имкониятлар яратишга алоҳида эътибор қаратилмоқда ва ушбу йўналишда кенг қамровли ишлар амалга оширилмоқда. Жумладан, наманган вилоятидан Олимпия ўйинларида 10 нафар, Паралимпия ўйинларида эса 4 нафар спортчи иштирок этиб, олтин ва кумуш медалларга сазовор бўлишди.

Нуфузли спорт мусобақаларида иштирок этган барча спортчилар ҳамда уларнинг устоз-мураббийларига яна бир бор алоҳида миннатдорлик билдирилди.

“Маҳорат мактаби, матонат мактаби бу!”. Халқимизда “Оталар жасорати – ёшларга ибрат” деган пурмаъно ибора бор. Бу бежиз айтилмаган, чунки ота-боболаримиз азалдан ватанпарвар, меҳнатсевар, ҳалол, фидойи инсонларни, комил фарзандларни тарбиялаб, эл хизматига қўшган аҳил ва ҳамжиҳат оилаларни эъзозлаб, бошқаларни улардан ўрнак олишга даъват этиб келганлар”, – деди вилоят раҳбари.

Тадбирда Наманган вилояти ҳокимлиги томонидан чемпион спортчилар, уларнинг устозлари ҳамда ота-оналари тақдирланишди.

Манба: Ўзбекистон Республикаси Ёшлар сиёсати ва спорт вазирлиги