Davlat va jamiyat taraqqiyoti, xalq farovonligini taʼminlashda sog‘liqni saqlash, ilm-fan, taʼlim-tarbiya, madaniyat va sanʼat, ayniqsa sport sohalari muhim ahamiyat kasb etishi barchamizga yaxshi maʼlum.

Davlatimiz rahbari tomonidan yurtimizda jismoniy tarbiya va sportning ommaviyligini oshirish, yoshlarning sportda o‘z kuch va iqtidorlarini namoyon etishi uchun keng imkoniyatlar yaratishga alohida eʼtibor qaratilmoqda va ushbu yo‘nalishda keng qamrovli ishlar amalga oshirilmoqda. Jumladan, namangan viloyatidan Olimpiya o‘yinlarida 10 nafar, Paralimpiya o‘yinlarida esa 4 nafar sportchi ishtirok etib, oltin va kumush medallarga sazovor bo‘lishdi.

Nufuzli sport musobaqalarida ishtirok etgan barcha sportchilar hamda ularning ustoz-murabbiylariga yana bir bor alohida minnatdorlik bildirildi.

“Mahorat maktabi, matonat maktabi bu!”. Xalqimizda “Otalar jasorati – yoshlarga ibrat” degan purmaʼno ibora bor. Bu bejiz aytilmagan, chunki ota-bobolarimiz azaldan vatanparvar, mehnatsevar, halol, fidoyi insonlarni, komil farzandlarni tarbiyalab, el xizmatiga qo‘shgan ahil va hamjihat oilalarni eʼzozlab, boshqalarni ulardan o‘rnak olishga daʼvat etib kelganlar”, – dedi viloyat rahbari.

Tadbirda Namangan viloyati hokimligi tomonidan chempion sportchilar, ularning ustozlari hamda ota-onalari taqdirlanishdi.

Manba: O‘zbekiston Respublikasi Yoshlar siyosati va sport vazirligi