Қадимги Хива кўчаларида яна қувончли байрам – куни кеча, 14 сентябрьда бу ерда “Марказий Осиё жаҳон цивилизациялари” халқаро маданий форумига старт берилди.

Эслатиб ўтамиз, форум YuNESKO билан биргаликда Ўзбекистон Президенти Шавкат Мирзиёев ташаббуси билан ўтказилмоқда, ушбу тадбир ҳақида БМТ Бош ассамблеясининг 75-сессиясида эълон қилинган эди. Ичан-Қаладаги Кўхна-Арк архитектура ансамбли этагида форумнинг тантанали очилиш маросими бўлиб ўтди.

Форумни Бош вазир ўринбосари-Туризм ва спорт вазири Азиз Абдуҳакимов, YuNESKO Бош директорининг ижтимоий ва гуманитар фанлар бўйича ёрдамчиси Габриела Рамос ва Ўзбекистон Республикаси Маданият вазири Озодбек Назарбеков очиб бердилар.

Бу ерда Ўзбекистон маданий мероси ҳафталиги доирасида, хивалик фолклор усталарининг байрам тантаналари ва театрлаштирилган намойишлари ҳамда миллий эстрада юлдузлари иштирокида гала-консерт бўлиб ўтди.

Бугун, 15-сентябрь, форумнинг асосий воқеаси TURKSOY давлатлари маданият вазирлари доимий кенгашининг йиғилишининг очилиши бўлиб ўтиши режалаштирилган. Дастур доирасида “Хива - турк дунёсининг маданий пойтахти” доирасидаги тадбирлар ҳақида ҳисобот, 2022 йилдаги турк дунёсининг маданий пойтахти тақдимоти, шунингдек, 2021-2024 йилларга мўлжалланган TURKSOY бош котиб сайлови ҳам бўлиб ўтади.

Манба: Ўзбекистон Республикаси Туризм ва маданий мерос вазирлиги