Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
“Mckinsey&Company” вакиллари билан учрашув
2021-09-09 | Сиёсат
Бош вазир ўринбосари – Иқтисодий тараққиёт ва камбағалликни қисқартириш вазири Жамшид Қўчқоров “Mckinsey&Company” бошқарув консалтинг компаниясининг Қозоғистондаги ваколатхонаси раҳбари Ёхен Бербнер билан учрашув ўтказди.
Учрашувда, шунингдек, “Mckinsey&Company” компанияси вакиллари Михаил Куликов, Александр Каменский, Александр Копиткин ҳамда Молия вазирининг биринчи ўринбосари Омонулла Насриддинхўжаев, Иқтисодий тараққиёт ва камбағалликни қисқартириш вазири ўринбосари Бобур Абдиназаров, Энергетика вазири ўринбосари Шерзод Хўжаев иштирок этдилар.
Учрашув давомида “Миллий электр тармоқлари” ва “O‘zbekgidroenergo” аксиядорлик жамиятлари трансформатсия жараёнлари лойиҳаларини ҳаётга татбиқ этиш, лойиҳаларнинг самарадорлиги, ўсиш даражалари, янги технологияларни жалб қилиш борасидаги масалалар муҳокама қилинди.
Бундан ташқари, томонлар ташаббуслар ва лойиҳаларни муваффақиятли амалга ошириш учун бошқа давлатлар тажрибаларидан фойдаланиш, хусусийлаштириш жараёнлари, давлат хусусий шериклиги лойиҳалари, шунингдек, Ўзбекистон ёқилғи энергетика комплексини ислоҳ қилишни қўллаб-қувватлаш масалалари юзасидан фикр алмашдилар. Учрашув якунида томонлар кун тартибидаги масалалар ҳамда келгусидаги режалар юзасидан ҳамкорликни янада кучайтиришга келишиб олдилар.
Манба: Ўзбекистон Республикаси Иқтисодиёт ва молия вазирлиги
