Ўзбекистон Президенти Администрацияси раҳбарининг ўринбосари - Президент матбуот котиби  Шерзод Асадов бугун анъанавий тарзда ўтказган брифингда давлатимиз раҳбари иштирокида жорий ҳафтада кутилаётган муҳим тадбирлар ҳақида маълумот берди.

- Байрам кунлари ўтди. Энди тадбирларимиз кўпаяди, - деди  Шерзод Асодов. - Жумладан, бугун фармацевтика саноатида ва Тошкент шаҳрида амалга оширилаётган лойиҳалар тақдимоти ўтказилиши режалаштирилган.

Ўзбекистон Президенти матбуот котибига кўра,  жорий ҳафта давомида стратегик соҳалардаги инвестиция лойиҳалари, «1 миллион дастурчи» лойиҳасининг ижроси, Президент мактаблари ва ихтисослашган мактаблар фаолияти бўйича тақдимотлар ўтказилиши кўзда тутилган.

«Давлатимиз раҳбари Паралимпия ўйинлари совриндорлари билан учрашиши ҳам мўлжалланмоқда, - деди давлатимиз раҳбарининг матбуот котиби.  - 9 сентябрь куни Шавкат Мирзиёев Тадбиркорлар  ва ишбилармонлар ҳаракати – Ўзбекистон либерал-демократик партияси қурултойида иштирок этади».

Манба: “Дунё” ахборот агентлиги