Туркманистонда бўлиб ўтаётган Марказий Осиё давлатлари Раҳбарларининг 3-Маслаҳат учрашуви давомида Ўзбекистон Республикаси Бош вазирининг ўринбосари - инвестициялар ва ташқи савдо вазири С.Умурзаков Қозоғистон Республикаси Бош вазирининг ўринбосари Р.Скляр ва Қирғизистон Республикаси Вазирлар Маҳкамаси Раисининг ўринбосари - иқтисодиёт ва молия вазири А.Жапаров билан учрашувлар ўтказди.

Учрашувлар давомида ҳамкорликнинг бугунги ҳолати, мавжуд келишувларнинг амалга оширилиши, шунингдек, устувор йўналишлар бўйича муносабатларни чуқурлаштириш борасида навбатдаги тадбирлар муҳокама қилинди.

Манба: Ўзбекистон Республикаси инвестициялар, саноат ва савдо вазирлиги