Марказий ҳарбий округнинг “Фориш” тоғ полигонида “Энг илғор мутахассис” кўрик танловининг “Хавфсиз маршрут” ҳамда “Муҳандислик формуласи” йўналишида Мудофаа вазирлиги қўшинларидаги ҳарбий муҳандислар ўзаро беллашишмоқда.

“Хавфсиз маршрут” йўналиши бўйича Марказий , Тошкент, Шарқий ҳамда Жануби-ғарбий махсус ҳарбий округи ўзаро беллашаётган бўлса, “Муҳандислик формуласи ” бўйича эса, Марказий, Шарқий ҳамда Жануби-ғарбий махсус ҳарбий округи жамоалари иштирок этишмоқда.

“Хавфсиз маршрут” мусобақаси низомига асосан жамоалар тўрт ҳисобда беллашувларни амалга оширишмоқда. Бунда МРД (муҳандислик разведка дозори ҳисоби, муҳандислик разведка ишларини амалга оширади), “ТММ-3” (оғир механизациялаштирилган кўприк ҳисоби, кўприк ўрнатади), “БАТ-2” ҳисоби (колонна йўлларини қайта тиклаш ишларини олиб боради) , “ИМР-2” ҳисоби (вайроналарни бартараф этиб йўлак очади).

“Муҳандислик формуласи” мусобақасида ҳарбий хизматчилар 6 та техника билан 3 км бўлган ҳалқа йўлагида эстафета тарзида ҳаракаталаниб, техникаларнинг хусусияти бўйича вазифалар бажаришмоқда.

Манба: Ўзбекистон Республикаси Мудофаа вазирлиги