Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Самарқанд вилоятида “Бир миллион дастурчи” лойиҳаси доирасида фаол ўқитувчилар тақдирланди
2021-07-26 | Жамият
“One Million Uzbek Coders” лойиҳаси доирасида uzbekcoders.uz платформаси орқали умумтаълим мактаблари Информатика фани ўқитувчилари учун ўтказилган танлов ўз якунига етди ва танлов натижасига мувофиқ TOP-100 та ўқитувчилар рўйхатига кирган Самарқанд вилоятидан 6 нафар ўқитувчилар тақдирланди.
“Информатика ва ахборот технологиялари” фани ўқитувчиларини тақдирлаш “IT PARK Самарқанд филиали”да ўтказилди. Тадбирда Ахборот технологиялари ва коммуникацияларини ривожлантириш вазирлиги Самарқанд вилояти ҳудудий бошқармаси бошлиғи, Вилоят халқ таълими бошқармаси бошлиғи, “IT-PARK” нинг Самарқанд филиали ходимлари иштирок этди.
“Бир миллион дастурчи” лойиҳаси доирасида ўқув курсларини муваффақиятли якунлаган ушбу “Информатика ва ахборот технологиялари” фани ўқитувчиларига Ахборот технологиялари ва коммуникацияларини ривожлантириш вазирлиги томонидан диплом ҳамда пул мукофотлари топширилди.
Манба: Ўзбекистон Республикаси Рақамли технологиялар вазирлиги
