Кўриниш
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Бухорода Президент мактаби учун талабгорлар тест синовларини топширмоқда
2021-07-26 | Таълим
Жорий ўқув йилидан бошлаб, Бухоро шаҳрида Ўзбекистон Республикаси Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги тасарруфидаги Президент мактаби фаолият бошлайди. Президент мактабига дастлабки ўқув йилида 5-10-синфларга қабул ўтказилади.
Бухородаги “Дилкушо” теннис марказида Президент мактабига талабгор ўқувчилар учун тест синовлари бошланди.
Дастлабки ўқув йилида Бухородаги Президент мактабига 5 минг 767 нафар ўқувчи-ёшнинг аризалари қабул қилинган.
Вилоят ҳокимлиги томонидан тест синовларини ўтказиш учун “Дилкушо” теннис марказида барча зарур чора-тадбир кўрилган. Натижада бир пайтнинг ўзида 1 минг 440 нафар ўқувчини қабул қилиш имконияти яратилган. Мажмуада тест синовларини юқори даражада адолатли ва шаффоф ўтишини таъминлаш учун барча шарт-шароит яратилган.
Манба: ЎзА
