Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
“IT Park Rewind 2021” онлайн конференсияси бўлиб ўтди
2021-07-26 | Жамият
Дастурий маҳсулотлар ва ахборот технологиялари Технологик парки (IT Park) мажмуа шоу-румида IT Park фаолиятининг икки йиллик натижалари ва келгусидаги режаларини муҳокама қилишга бағишланган “IT Park Rewind 2021” онлайн конференцияси бўлиб ўтди.
Ушбу конференцияда Ахборот технологиялари ва коммуникацияларини ривожлантириш вазири Ш.Содиқов қатнашди.
Ушбу конференцияда нафақат мамлакатимиз ИТ соҳаси вакиллари балки, Россия, Беларус, Қозоғистон Республикаларидан ва дунёга машур бўлган компаниялар вакиллари ҳам иштирок этишди.
Маълумки, икки йиллик фаолияти давомида ИТ-Парк ахборот технологиялари соҳасида катта натижаларга эришиб, ёш авлоднинг ривожланиши, шунингдек, мамлакатда ўз фаолиятини амалга ошираётган ИТ-компаниялар сони ва сифатининг ўсиши учун зарур шарт-шароитлар яратиб берди.
Эслатиб ўтамиз, ИТ-Парк Ўзбекистон Республикаси Президенти ташаббуси билан стартап экотизимини ва стартап лойиҳаларини такомиллаштириш, уларни мамлакатимизда амалга ошириш мақсадида ташкил этилган. Ўзбекистон Республикаси Президенти Шавкат Мирзиёевнинг 2018 йил 30 сентабрдан 2-октабргача бўлиб ўтган Ҳиндистон Республикасига биринчи ташрифи чоғида ахборот технологиялари соҳасидаги ҳамкорликни кенгайтириш бўйича битимлар тузилди. Ўзбекистон Республикаси Президенти Ҳиндистон ИТ-компаниялари билан ҳамкорликда дастурий таъминотни ишлаб чиқиш ва стартапларни жадаллаштириш борасидаги энг яхши амалиётлари асосида мамлакатда ахборот технологиялари паркини яратишга қизиқиш билдирди.
2019 йил 24 июль куни Тошкент шаҳрида Ўзбекистон Республикасидаги биринчи ИТ-паркининг очилиш маросими бўлиб ўтди. Кейинги икки йил мобайнида ИТ Парк таълимга, стартап экотизимини ривожлантиришга, шунингдек, маҳаллий ИТ-компанияларнинг ўсишига, ўз фаолиятини Ўзбекистон Республикаси ҳудудида ва хорижда самарали амалга оширишда ёрдам берди.
Ўзбекистон Республикаси Президенти Ш. Мирзиёевнинг ташаббуси билан «Ахборот технологиялари соҳасида таълим тизимини янада такомиллаштириш, илмий тадқиқотларни ривожлантириш ва уларни ИТ-индустрия билан интеграция қилиш чора-тадбирлари тўғрисида» 4851-сонли ПФни амалга ошириш мақсадида республика бўйлаб 14 та ихтисослаштирилган ИТ-мактаб очилди. 2021-2022 ўқув йили охирига қадар республика бўйлаб 80 дан ортиқ ИТ-мактаб очиш режалаштирилган бўлиб, 2023-2024 ўқув йили охирига келиб уларнинг сони мос равишда ҳар бир битта мактабга – 205 тага кўпайтирилади.
Ёш авлод ўртасида ахборот технологиялари соҳасига бўлган хабардорликни ошириш ва оммалаштириш мақсадида республика ИТ-Олимпиадаси ўтказилиб, унда барча 14 та ИТ-мактаб ўқувчилари иштирок этди. Барча вилоятлардан жами иштирокчилар сони 770 нафар мактаб ўқувчиларини ташкил этди.
ИТ мактабларида ўқишни тугатгач, битирувчилар бутун мамлакат бўйлаб очиладиган ИТ марказларида ўқишни давом эттириш ва ахборот технологияларини чуқур ўрганиш имкониятини қўлга киритадилар. ИТ-паркида 147 та ИТ-Марказ очилган бўлиб, унда 40 минг 255 дан ортиқ киши таълим олган. Ушбу ИТ марказларининг очилиши туфайли 294 дан ортиқ иш ўрни яратилди. Жорий йилда ИТ-марказлар сонини 205 тага этказиш режалаштирилган бўлиб, улар янада кўпроқ иш ўринлари яратилиб, янада кўпроқ ёшларни ўқитади.
Бундан ташқари, “Оне Миллион Узбек Cодерс” кенг кўламли лойиҳаси ишга туширилди, унда икки йил давомида 469 260 фойдаланувчи рўйхатдан ўтди, 246 587 талаба гувоҳномалар ва 176 883 нафари битирувчилар сертификатлари олди. “Оне Миллион Узбек Cодерс” – ИТ-Парк томонидан яратилган бепул таълим платформаси Дубаи Футуре Фоундатион жамғармаси билан биргаликда малакали халқаро экспертлар видеодарсларини бепул ўрганиш орқали ма’лумотлар таҳлили, фронтенд ва баcкенд дастурлашнинг асосий тушунчаларини, шунингдек, мобил иловалар яратишни бепул ўрганиш имконини беради.
Дастурлаш ва маълумотлар таҳлилида асосий курсларни тугатгач, фойдаланувчиларга “Удаcитй Нанодегрее” гранти эгалари бўлиш имконияти берилади, бу эса уларга “Оне Миллион Узбек Cодерс” лойиҳаси доирасида янада илғор даражада сабоқ олиш имконини беради. Ушбу грант эгалари сони бугунги кунда 250 нафардан ортиқни ташкил этади.
Бундан ташқари, талабаларнинг тадбиркорлик руҳини ошириш мақсадида мамлакатимизнинг 16 та олий ўқув юртида ИТ-Парк ташаббуси билан инкубатсия марказлари ташкил этилиб, унда талабалар билан ишлаш ва уларнинг лойиҳаларини ишлаб чиқиш бўйича кенг қамровли дастурлар амалга оширилмоқда. Жумладан, инкубатсия марказларида 123 дан ортиқ лойиҳа амалга оширилмоқда. Олий та’лим муассасаларида жами 12 та инкассатсия ва тезлатиш дастурлари ҳамда 30 дан ортиқ ўқув тадбирлари ва демо кунлари ўтказилди.
Шуни ҳам таъкидлаш жоизки, икки йил ичида Гулистон, Марғилон, Андижон, Самарқанд, Жиззах, Навоий ва Бухоро каби вилоятларда ИТ-Паркнинг 7 та филиали очилди. ИТ-мутахассисларга юқори сифатли инфратузилмани таъминлаш учун Ўзбекистонда (ҳар бир ҳудудда биттадан) жами 14 та ИТ-Парк филиалларини очиш режалаштирилган.
ИТ-Паркнинг ҳар бир филиали узлуксиз электр таъминоти, тезкор интернет, кондитсионер, ёнғин хавфсизлиги, санитария-епидемиология ускуналари ва хавфсизлик билан та’минланган. ИТ-Паркда мутахассисларга қулай ва унумли меҳнат қилиш учун барча шароит яратилган.
Бугунги кунда 453 та ИТ-компания ИТ-Парк резиденти бўлиб, уларнинг 17 таси хорижий капиталга эга бўлган хорижий таъсисчилар томонидан яратилган. 2019 йилда ИТ-Парк резидент компанияларининг ИТ-маҳсулотлари экспорт ҳажми $6,2 млн. ни ташкил этди, 2020-йилда бу кўрсаткич $16,4 млн. гача ошди ва 2021- йилнинг биринчи ярмида $17 млн. ни ташкил этди, жорий йилнинг охирига келиб бу кўрсаткич $40 млн. га ўсиши кутилмоқда.
2019 йилда ахборот технологиялари соҳасида кўрсатилган хизматлар ҳажми 529,1 млрд. 2020 -йил якунларига кўра бу кўрсаткич 191% га ошди ва 1 трлн. сўмдан ортиқни ташкил этди. 2021-йилнинг биринчи ярим йиллиги давомида ахборот технологиялари соҳасида кўрсатилган хизматлар ҳажми 650 млрд. сўм, жорий йил охиригача бу кўрсаткич 1 трлн. 400 миллиард сўмни ташкил қилди.
Унутмаслик керакки, 2020 йилнинг 18 августида АҚШнинг Делавер шаҳрида ИТ-компанияларига АҚШ ички бозорига кириш учун шароит яратиб берувчи ИТ-Парк ваколатхонаси очилди. Ваколатхонанинг асосий вазифаси ички маҳсулот ва хизматларни экспорт қилиш учун қулай шарт-шароитлар яратиш, уларни рағбатлантириш, реклама кампанияларини ўтказиш, буюртмаларни қидириш, АҚШ мижозлари ва ИТ-Парк резидентлари ўртасида шартномалар тузишда ёрдам беришдир. Ваколатхона ҳар икки томон учун – буюртмачи учун бажарилган ишнинг сифати бўйича, пудратчи учун бажарилган иш учун ҳақ тўлаш бўйича ҳам кафил вазифасини бажаради. Бунинг учун халқаро стандартларга жавоб берадиган суғурта ва кафолат тизимлари жорий этилган.
ИТ Парк корпоратив инноватсиялар доирасида ҳам фаол иш олиб боради, бу эса уларнинг ривожланиши ва ўсиши учун мавжуд компанияларга янги ғоя ва имкониятларни жорий этиш жараёнини ўз ичига олади. Бу соҳадаги қатор тадбирлар хакатонлар, танловлар, дастурлар, ихтисослаштирилган кўргазмалар, шунингдек, Ўзбекистонда ИТ соҳасида стартап экотизимини ва тадбиркорликни ривожлантириш бўйича бошқа тадбирлар шаклида ташкил этилди. Ташкилот томонидан маҳаллий ва хорижий ҳамкорлар билан биргаликда жами мукофот жамғармаси 7 миллиард сўмдан ортиқ бўлган 30 дан ортиқ йирик лойиҳалар амалга оширилди.
Хулоса қилиб айтиш керакки, ИТ Парк барча фаолият соҳаларида ахборот технологияларини ривожлантириш ва жорий этиш бўйича ўнлаб тадбирлар, танловлар, идеатонлар, хакатонлар ва бошқа лойиҳаларни амалга оширди. Давлатимиз раҳбарининг Ўзбекистонда ИТ-паркини яратиш борасидаги ташаббуси Ўзбекистоннинг бугунги ҳар томонлама ривожланишида энг муҳим ва асосий жиҳатлардан бирига айланди. Бунинг исботи ташкилотнинг икки йиллик фаолияти давомида қўлга киритилган натижалардир. Вазифалар бу билан тўхтамайди ва ташкилот Ўзбекистоннинг Мустақил Давлатлар Ҳамдўстлиги (МДҲ) мамлакатлари орасида ИТ-етакчига айланишини та’минлаш учун тинимсиз ҳаракат қилишни мақсад қилган.
Манба: Ўзбекистон Республикаси Рақамли технологиялар вазирлиги
