Тошкентда ўтаётган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» юқори даражадаги конференцияси доирасида Тожикистон ташқи ишлар вазири Сироджиддин  Муҳриддиннинг АҚШ Президенти масалаҳачиси Элизабет Шервуд-Рэндалл ва АҚШнинг Афғонистонда ярашув бўйича махсус вакили Залмай  Халилзод билан учрашуви бўлиб ўтди.

Тожикистоннинг “Ховар” Миллий ахборот агентлиги томонидан бугун маълум қилинишича, учрашув чоғида томонлар Тожикистон ва АҚШ ўртасидаги сиёсий ва иқтисодий соҳадаги икки томонлама муносабатлар, коронавирусга қарши кураш, минтақавий ҳамкорликни кенгайтириш, халқаро терроризм ва экстремизмга қарши туриш ҳамда Афғонистонда хавфсизлик соҳасидаги вазият билан боғлиқ масалалар юзасидан фикр алмашди.

Манба: “Дунё” ахборот агентлиги