Ўзбекистон Миллий университети яна бир халқаро рейтингда ўз мавқеига эга бўлди. Университет “WURI Ranking”, яъни дунё университетларининг “Энг яхши инновацион лойиҳалар” рейтингини аниқлаш агентлиги асосчиси, Сеул университети фахрий профессори, директор жаноб Хви Чанг Мундан табрикнома қабул қилди. Унда Ўзбекистон Миллий университети Ўзбекистон Республикасидан биринчи бўлиб иштирок этган олий таълим муассасаси эканлиги алоҳида қайд этилган ва университет мазкур рейтингда кучли 300 талик университетлар қаторидан 101+200 ўринни эгаллаганлиги ҳамда мазкур рейтинг бошқа рейтинглардан фарқли ўлароқ янги инновацион концепцияга асосланганлиги кўрсатиб ўтилган. 

“World’s Universities with Real Impact” (WURI) халқаро рейтинги АҚШ, Осиё, Европа ва Африка давлатларининг энг нуфузли университетлари томонидан ташкил  этилган  дунё рейтинги ҳисобланади. Ушбу рейтингни тузишда асосий ташкилотчилар 10 та университет бўлиб, улар асосан жаҳон университетларидаги энг янги илмий-инновацион лойиҳалар ва уларнинг жамият ҳамда олий таълим муассасаларига таъсирини баҳолаб берувчи ташкилот ҳисобланади.

“World’s Universities with Real Impact” (WURI) халқаро рейтинги АҚШ, Осиё, Европа ва Африка давлатларининг энг нуфузли университетлари томонидан ташкил  этилган  дунё рейтинги ҳисобланади. Ушбу рейтингни тузишда асосий ташкилотчилар 10 та университет бўлиб, улар асосан жаҳон университетларидаги энг янги илмий-инновацион лойиҳалар ва уларнинг жамият ҳамда олий таълим муассасаларига таъсирини баҳолаб берувчи ташкилот ҳисобланади.

“WURI” рейтинги университетларнинг саноат дастурлари, янги стартап дастурлари ва тадбиркорлик, талабаларнинг ҳаракатчанлиги ва фаоллиги, инқирозни бошқариш ва ахлоқий қадриятлар каби 5 та йўналиш бўйича энг яхши инновацион лойиҳаларини баҳолайди.  

Яқинда ушбу рейтингнинг 2021 йил учун натижалари эълон қилинди. Унга кўра, Массачусет ва Стендфорд университетлари мос равишда 1-2 ўрин, Гарвард университети 8-ўрин, Бостон университети эса 15-ўринни эгаллаган.

Ўзбекистон Миллий университети республикамиз олий таълим муассасалари ўртасида 101-200 ўрин билан мазкур рейтингга кирган ягона университет бўлиб, йўналишлар бўйича қуйидаги ўринларни эгаллади:

1. Саноат дастурлари инновацион лойиҳалари  –  51-100 ўрин;

2. Талабаларнинг ҳаракатчанлиги ва фаоллиги –  52-100 ўрин;

3. Ахлоқий қадриятлар бўйича инновацион лойиҳа –  51-100 ўрин;

4. WURI глобал умумий рейтингида –    101-200 ўрин.

Университетимиз яна бир қанча халқаро рейтингда қатнашмоқда ва уларнинг натижалари 2021 йилнинг якунигача эълон қилиб борилади.  

Манба: ЎзА