Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Буюк Британиянинг Ҳамдўстлик ва БМТ ишлари бўйича давлат вазири билан учрашув
2021-07-15 | Сиёсат
2021 йил 15 июль куни Ўзбекистон Республикаси Президентининг Афғонистон бўйича Махсус вакили Исматулла Эргашев Тошкентга “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференцияда иштирок этиш учун келган Буюк Британиянинг Ҳамдўстлик ва БМТ ишлари бўйича давлат вазири лорд Тариқ Аҳмад билан учрашди.
Томонлан Афғонистондаги вазият юзасидан фикр алмашдилар ҳамда ушбу мамлакатдаги тинчлик жараёнига биргаликда кўмаклашиш масалаларини кўриб чиқдилар.
Афғонистондаги зўравонлик даражасининг ошиб бораётганида жиддий хавотир изҳор этилди. Тинчлик ва барқарорликни қўллаб-қувватлаш бўйича чора-тадбирларни давом эттириш зарурлиги қайд эътироф этилди.
Биродар афғон халқига ҳар томонлама иқтисодий ва гуманитар ёрдам кўрсатиш, шунингдек, Афғонистонда мустаҳкам ва кенг кўламли тинчлик ўрнатиш бўйича чора-тадбирларни давом эттиришда минтақа давлатларининг муҳим ўрин тутиши қайд этилди.
Афғон масаласи бўйича икки томонлама маслаҳатлашувларни давом эттиришга келишиб олинди.
Манба: Ўзбекистон Республикаси Ташқи ишлар вазирлиги
