Ўзбекистон Республикаси Президентининг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси Сэр Сума Чакрабарти Адлия вазири билан учрашди.

Адлия вазири Русланбек Давлетов Сэр Сума Чакрабартини адлия тизимида амалга оширилаётган ишлар, ҳуқуқий соҳадаги ислоҳотлар билан таништирди.  

Адлия вазирлиги ҳузуридаги Ахборот-таҳлил мультимедиа марказига ташриф асносида маслаҳатчи Адлия вазирлиги томонидан ҳуқуқий тарғиботни амалга ошириш, ҳуқуқий ахборотни тарқатиш ва ундан фойдаланишни таъминлаш бўйича қилинаётган амалий ишлардан хабардор бўлди.  

Аҳолига қабул қилинаётган қонун ҳужжатларини етказиш, аҳолининг ҳуқуқий саводсизлигини йўқ қилиш бўйича амалга оширилаётган чора-тадбирлар меҳмонда катта таассурот қолдирди.  

С.Чакрабарти ҳамда адлия вазири Р.Давлетов мамлакатда амалга оширилаётган ислоҳот ва ўзгаришлар, хусусан коррупцияга қарши кураш ҳамда инглиз ҳуқуқини қўллаш соҳасида эришилган натижалар, шунингдек, қилиниши лозим бўлган ишлар юзасидан фикр алмашди.  

 Н.Абдураимова

Манба: ЎзА