Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси бошлиғининг буйруғига кўра, Қосимова Дилафрўз Шавкатовна таълим сифатини назорат қилиш бўйича Фарғона вилояти бўлими бошлиғи этиб тайинланди.

У мазкур лавозимга тайинлангунга қадар "Юксалиш” умуммиллий ҳаракати Фарғона вилояти ҳудудий бўлинмаси раҳбари, Фарғона вилояти ҳокимининг маслаҳатчиси лавозимида ишлаб келган. 

Д.Қосимова 1973 йил 5 январда Фарғона шаҳрида туғилган. Фарғона давлат университетини тамомлаган. Мутахассислиги филолог, рус тили ва адабиёти ўқитувчиси. Марғилон шаҳридаги мактабда иш бошлаб, Фарғона давлат университети қошидаги 3-сонли академик лицей директори (2011-2017), Таълим сифатини назорат қилиш давлат инспекцияси Фарғона вилояти бўлими раҳбари (2017-2018), вилоят ҳокимининг ўринбосари, хотин-қизлар қўмитаси раиси (2018-2020) бўлиб ишлаган.  

Манба: ЎзА