O‘zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi boshlig‘ining buyrug‘iga ko‘ra, Qosimova Dilafro‘z Shavkatovna ta’lim sifatini nazorat qilish bo‘yicha Farg‘ona viloyati bo‘limi boshlig‘i etib tayinlandi.

U mazkur lavozimga tayinlangunga qadar "Yuksalish” umummilliy harakati Farg‘ona viloyati hududiy bo‘linmasi rahbari, Farg‘ona viloyati hokimining maslahatchisi lavozimida ishlab kelgan.

D.Qosimova 1973-yil 5-yanvarda Farg‘ona shahrida tug‘ilgan. Farg‘ona davlat universitetini tamomlagan. Mutaxassisligi filolog, rus tili va adabiyoti o‘qituvchisi. Marg‘ilon shahridagi maktabda ish boshlab, Farg‘ona davlat universiteti qoshidagi 3-sonli akademik litsey direktori (2011-2017), Ta’lim sifatini nazorat qilish davlat inspeksiyasi Farg‘ona viloyati bo‘limi rahbari (2017-2018), viloyat hokimining o‘rinbosari, xotin-qizlar qo‘mitasi raisi (2018-2020) bo‘lib ishlagan.  

Manba: O'zA