Ишонч ёрлиқлари нусхаларини қабул қилар экан, Вазир Элчини Ўзбекистонда иш бошлагани билан табриклаб, юксак ва масулиятли лавозимдаги фаолиятида унга муваффақиятлар тилади. Бўлиб ўтган суҳбат чоғида Ўзбекистон - Руминия муносабатларининг бугунги ҳолати ва ривожланиш истиқболлари, шунингдек, томонларнинг халқаро ташкилотлар доирасидаги ҳамкорлиги масалалари муҳокама қилинди. Савдо-иқтисодий алоқаларни кенгайтириш, ўзаро савдо ҳажмларини кўпайтириш, қўшма инвеститсия лойиҳаларини амалга оширишга алоҳида эътибор қаратилди. Музокараларда томонларни қизиқтирган бошқа масалалари ҳам кўриб чиқилди.