Мамлакатимизнинг БМТдаги доимий вакили, элчи Бахтиёр Ибрагимов Нью-Йоркда Бирлашган Миллатлар ташкилоти Тараққиёт дастурининг Инсон хавфсизлиги бўйича кўп томонлама шериклик траст жамғармаси офиси ижрочи координатори Женифер Топинг билан учрашув ўтказди

Музокаралардан кўзланган мақсад траст жамғармасига қўшимча маблағ жалб этиш ва Оролбўйи минтақасини барқарор ривожлантириш бўйича маслаҳат кенгашини кенгайтириш бўйича ҳаракат режаларини муҳокама қилишдан иборат бўлди.

Женифер Топинг БМТ Бош Ассамблеясининг Оролбўйи минтақасини экологик инновация ва технологиялар зонаси, деб эълон қилиш ҳақидаги махсус резолюцияси қабул қилинганини олқишлади.

Учрашув чоғида Оролбўйи минтақаси учун Инсон хавфсизлиги бўйича кўп томонлама шериклик траст жамғармасининг бугунги фаолияти, донор ташкилотлар билан молиявий ресурсларни жалб қилиш бўйича олиб борилаётган ишлар юзасидан фикр алмашилди. Ўзаро ҳамкорликни ривожлантириш бўйича навбатдаги амалий тадбирлар белгилаб олинди.

Манба: “Дунё” ахборот агентлиги