Спорт ва оммавий жисмоний тарбия тадбирларининг 2021 йил учун Республика календарь режасига асосан, Республика олимпия захиралари коллежида камондан отиш бўйича ўсмирлар ва қизлар ўртасида Ўзбекистон чемпионати бошланди.

Мусобақа Ўзбекистон Республикаси Туризм ва спорт вазирлиги, Ўзбекистон камондан отиш федерацияси ҳамда Спортнинг қишки ва мураккаб техник турлари бўйича Республика олий спорт маҳорати мактаби ҳамкорлигида ташкил этилди.

Мамлакат чемпионатида иштирокчилар (70+70) машқи, Mix, Олимпик раунд, жамоа беллашуви бўйича ўзаро мусобақалашади.

Мусобақада республикамизнинг Навоий, Сурхондарё, Бухоро, Самарқанд вилоятлари ҳамда Тошкент шаҳридан келган ўсмирлар ва қизлар 70 метр масофали нишонларда ўз маҳоратларини синовдан ўтказишмоқда.

Мусобақа 8 майга қадар давом этади.

Манба: Ўзбекистон Республикаси Туризм ва маданий мерос вазирлиги