Sport va ommaviy jismoniy tarbiya tadbirlarining 2021-yil uchun Respublika kalendar rejasiga asosan, Respublika olimpiya zaxiralari kollejida kamondan otish bo‘yicha o‘smirlar va qizlar o‘rtasida O‘zbekiston chempionati boshlandi.

Musobaqa O‘zbekiston Respublikasi Turizm va sport vazirligi, O‘zbekiston kamondan otish federatsiyasi hamda Sportning qishki va murakkab texnik turlari bo‘yicha Respublika oliy sport mahorati maktabi hamkorligida tashkil etildi.

Mamlakat chempionatida ishtirokchilar (70+70) mashqi, Mix, Olimpik raund, jamoa bellashuvi bo‘yicha o‘zaro musobaqalashadi.

Musobaqada respublikamizning Navoiy, Surxondaryo, Buxoro, Samarqand viloyatlari hamda Toshkent shahridan kelgan o‘smirlar va qizlar 70 metr masofali nishonlarda o‘z mahoratlarini sinovdan o‘tkazishmoqda.

Musobaqa 8-mayga qadar davom etadi.

Manba: O‘zbekiston Respublikasi Yoshlar siyosati va sport vazirligi