Жорий йилнинг 22 апрел куни Ўзбекистон Республикаси молия вазири Тимур Ишметов ва АҚШнинг Ўзбекистон Республикасидаги Фавқулодда ва Мухтор элчиси Даниел Росенблум билан учрашув бўлиб ўтди.
Учрашувда Даниел Росенблумга Ўзбекистон Республикаси Президентининг “Капитал бозорини янада ривожлантириш чора-тадбирлари тўғрисида” ПФ-6207-сон Фармонига асосан Ўзбекистонда капитал бозорини ривожлантириш бўйича сўнги ислоҳотлар ва истиқболдаги режалар бўйича ахборот берилди.
Капитал бозорини ривожлантириш иқтисодиётни узоқ муддатли молиявий ресурслар билан таъминлаши ва барқарор иқтисодий ўсишни таъминлашга қаратилган макроиқтисодий сиёсатнинг энг муҳим элементи эканлиги таъкидланди.
Йиғилишда, шунингдек, капитал бозорини ривожлантириш учун АҚШ ҳукуматининг техник ёрдами бўйича асосий йоналишлар келишиб олинди.
Манба: Ўзбекистон Республикаси Молия вазирлиги