Ўзбекистон Республикаси Президенти соврини учун кураш бўйича Ал-Ҳаким ат-Термизий хотирасига бағишланган анъанавий XV халқаро турнирда иштирок этиш учун Сурхондарё вилоятига жаҳоннинг турли давлатларидан меҳмонлар келиши давом этмоқда.

Термиз халқаро аэропортида Сурхондарё вилояти ҳокими Т. Боболов Бош вазир ўринбосари А. Абдуҳакимов ҳамроҳлигида келган Халқаро кураш ассоциацияси президенти Ҳайдар Фармонни тантанали кутиб олди.

Шунингдек, нуфузли турнирда иштирок этиш учун Хиндистон, Греция, Қувайт каби давлатлардан келган делегациялар аьзолари ҳам иззат-икром билан кутиб олинди.  

Бош вазир ўринбосари А. Абдуҳакимов ва Халқаро кураш ассоциацияси президенти Ҳайдар Фармон нуфузли халқаро турнирга бағишланган навбатдаги матбуот анжуманида иштирок этди.

Холмўмин МАМАТРАЙИМОВ

Манба: ЎзА