Ўзбекистон ташқи ишлар вазирининг ўринбосари Фурқат Сидиқов бошчилигидаги делегация 7-10 март кунлари Эронга ташриф буюриб, ташқи ишлар вазирликлари ўртасидаги сиёсий маслаҳатлашувларнинг олтинчи раундида қатнашади, расмий ва ишбилармон доиралар вакиллари билан, шунингдек, Иқтисодий ҳамкорлик ташкилоти (ИҲТ) Котибиятида учрашув ва музокаралар ўтказади, деб хабар бермоқда "Дунё" агентлиги мухбири.

Томонлар ўзаро ҳамкорликнинг бугунги ҳолати ва истиқболлари, сиёсий мулоқот ва парламентлараро алоқаларни кенгайтириш, савдо-иқтисодий, сармоявий, молиявий ва техник ҳамкорликни мустаҳкамлаш, маданий-гуманитар алмашинувни фаоллаштириш бўйича таклифларни муҳокама қилиши режалаштирилган.

Манба: “Дунё” ахборот агентлиги