Туризмни ривожлантириш давлат қўмитаси томонидан 9 февраль - Алишер Навоий таваллудининг 580 йиллиги арафасида бир қатор лойиҳалар амалга оширилмоқда.  

Шу ўринда, турли хорижий давлатлар билан ҳамкорликда ғазал мулкининг султони бўлмиш Алишер Навоий таваллуди муносабати билан кенг тарғибот тадбирлари олиб борилмоқда. Жумладан, Россия Федерациясидаги ватандошларимиз, «Алмаз» жамоат ташкилоти томонидан Алишер Навоий ижодига атаб тайёрланган махсус видеолавҳа тақдим этилди. Мазкур флешмобда ватандошларимиз иштирокида Навоий қаламига мансуб рубоий ва ҳикматли сўзлар келтирилган.  

Манба: Ўзбекистон Республикаси Туризм ва маданий мерос вазирлиги