Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактабида 2021 йил 11-26 январ кунлари Қорақалпоғистон Республикаси Вазирлар Кенгаши раисининг, вилоятлар ва Тошкент шаҳар, шунингдек, туман (шаҳар) ҳокимларининг биринчи ўринбосарларининг савияси ва малака даражаси ошириш мақсадида семинар-тренинглар бўлиб ўтмокда.

Жорий йилнинг 13 январида Семинар-тренинг 3 куни бўлиб ўтди ва унда Қорақалпоғистон Республикаси, Хоразм, Навоий ва Бухоро вилоятлари ҳокимларининг биринчи ўринбосарлари иштирок этишди.

Семинар-тренинг 3 кунида иштирокчилар қуйидаги мавзулар:

• солиқ маъмурчилиги, солиқ тизимидаги ислоҳотлар; солиқ, божхона ва уларнинг хуфиёна иқтисодиётни аниқлашдаги аҳамияти;
• давлат харидлари тизимида амалга оширилаётган ислоҳатлар;
• қонун устуворлиги ва мулк дахлсизлигини таъминлаш;
• аграр соҳадаги ислоҳотлар: кластер тизимига ўтиш, ерларни хусусийлаштириш ва фермерлар ҳуқуқларини ҳимоя қилиш;
• инсон ресурсларини бошқариш борасида ўқитилди.

Манба: Ўзбекистон Республикаси Иқтисодиёт ва молия вазирлиги