Ўзбекистон Инновацион ривожланиш вазирлиги ва Ҳиндистон Фан ва технологиялар вазирлиги ўртасида имзоланган ҳамкорлик шартномаси доирасида эълон қилинган  илмий-техник лойиҳалар танлови натижалари маълум қилинди, деб хабар бермоқда «Дунё» АА мухбири.

Инновацион ривожланиш вазирлиги  манбасига кўра, танловга  жами 137 та лойиҳа келиб тушди.

Ўзбекистон ва Ҳиндистон ўтрасида ҳамкорликдаги илмий лойиҳалар танлови тўғрисидаги битимга кўра, 23 та лойиҳа молиялаштиришга келишилган. Шу сабабли, икки томонлама ҳамкорлик доирасида бажарилиши 2021-2023 йилларга мўлжалланган илмий-техник лойиҳалар танлови натижалари бўйича Ҳиндистон Фан ва техника вазирлиги илмий-техник лойиҳалар экспертизаси натижаларини расмий хат билан вазирликка тақдим қилди.

Унга кўра, энг юқори балл олган 23 та лойиҳани молиялаштириш бўйича қарор қабул қилинган.

Манба: “Дунё” ахборот агентлиги