Ветеринария ва чорвачиликни ривожлантириш давлат қўмитасида Жанубий Кореянинг Ўзбекистондаги “KOPIA” маркази директори Сун Хой Чой билан учрашув бўлиб ўтди.  

Унда қўмита раиси Баҳром Норқобилов, раиснинг биринчи ўринбосари Шуҳрат Джаббаров, “Ўзбекчорванасл” агентлиги директори Баҳтиёр Атамуродов ва қўмита масъул ходимлари иштирок этишди.

Учрашув давомида “KOPIA” марказининг мамлакатимизда чорва моллари учун юқори ҳосилдор озуқабоп экинлар етиштиришда Корея технологияси, бу борада олиб борилаётган ҳамкорлик жараёнларига тўхталиб ўтилди.

Қўмита раиси Баҳром Норқобилов ушбу ҳамкорлик истиқболлари хусусида сўзларкан, марказнинг самарали фаолиятидаги ютуқлари, чорва моллари маҳсулдорлигига эришишда марказ замонавий ёндашувларни татбиқ этаётганини алоҳида қайд этди.  

Учрашувда чорвачилик маҳсулотлари ишлаб чиқаришни янада ривожлантириш бўйича режалаштирилаётган янги лойиҳалар ҳамда соҳада амалга оширилаётган илмий-тадқиқот ишлари муҳокама қилинди.

Шунингдек, чорвачилик маҳсулотлари, жумладан гўшт ва сут етиштиришда юқори маҳсулдорликка эришиш учун марказ томонидан илғор инновацион технологияларнинг амалиётга жорий этиши хусусида сўз борди.

Манба: Ўзбекистон Республикаси Ветеринария ва чорвачиликни ривожлантириш давлат қўмитаси