“Рақамли Ўзбекистон – 2030” стратегияси доирасида 2020 йилда Боёвут туманини рақамли трансформация қилиш бўйича лойиҳаларни амалга ошириш “Йўл харитаси” ижроси юзасидан тумандаги давлат ва хўжалик бошқаруви органлари ҳамда туман ҳокимлигининг 15 нафар ходимларининг ахборот технологиялари бўйича малакалари оширилди. 

Ўқув жараёнлари Боёвут тумани ҳокимлиги, Ахборот технологиялари ва коммуникацияларини ривожлантириш вазирлигининг Сирдарё вилояти ҳудудий бошқармаси, Ўзкомназоратнинг Сирдарё вилояти ҳудудий инспекцияси ҳамда Гулистон давлат университети билан ҳамкорликда ташкил этилди. 

Ўқув-амалий дарслар Гулистон давлат университети билан ҳамкорликда олиб борилди ва тингловчиларнинг “Рақамли Ўзбекистон – 2030” стратегияси, ахборот технологиялари бўйича билим ва кўникмалари янада мустаҳкамланди. 

Манба: Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекцияси