Ички ишлар органлари фаолиятининг очиқлиги ва шаффофлигини таъминлаш, шунингдек, ОАВ вакиллари ҳамда аҳоли ўртасида кенг муҳокамага сабаб бўлаётган ҳолатларга муносабат билдириш мақсадида, Ўзбекистон Республикаси ИИВ Ахборот хизмати томонидан 2020 йилнинг 15 декабрь куни, соат 12:00 да Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг анжуманлар залида “Коррупцияга қарши курашиш, жиноятчиликнинг олдини олишга қаратилган ишлар” мавзусида матбуот анжумани ўтказилиши режалаштирилмоқда.

Унда Ички ишлар вазирининг ўринбосари Р.Хатамов, Вазирлик Ҳуқуқбузарликлар профилактикаси бош бошқармаси ва бошқа соҳавий хизматларнинг масъул ходимлари иштирок этиб, Сизни қизиқтирган саволларга жавоб берадилар. 

Тадбирга, барча ОАВ вакиллари, блогерлар ҳамда соҳага қизиқиш билдирган фуқароларимиз таклиф этиладилар. Мазкур матбуот анжуманида иштирок этиш истагини билдирганлар, ўзлари билан шахсларини тасдиқловчи ҳужжат (гувоҳнома ёки паспорт) билан келишларини илтимос қиламиз.

Манба: Ўзбекистон Республикаси Ички ишлар вазирлиги