“Давлат иштирокидаги хўжалик жамиятлари ҳамда давлат унитар корхоналари тўғрисидаги маълумотларни ошкор этиш тизимини такомиллаштириш чора-тадбирлари тўғрисида”ги Вазирлар Маҳкамасининг қарори (674-сон, 30.10.2020 й.) қабул қилинди.

Қарорга мувофиқ қуйидагилар белгиланмоқда:

• вазирликлар ва идораларнинг расмий веб-сайтларида мулкдор (муассис, акциядор, иштирокчи) функциялари амалга оширилаётган давлат улуши 50 фоиз ва ундан ортиқ бўлган хўжалик жамиятлари ва давлат унитар корхоналарининг асосий маълумотлари ва молия-хўжалик фаолиятининг кўрсаткичларини ошкор этадилар.

Шу жумладан:

• устав фонди миқдори ва ундаги давлат улуши;
• ҳар чорак ва йил якунлари бўйича бухгалтерия баланси ва молиявий натижалари;
• ишлаб чиқариш кўрсаткичлари;
• иш ўринлари сони;
• корхоналар бошқарув ва назорат органлари таркиби.

2021 йил 1 январдан бошлаб давлат иштирокидаги корхоналарнинг расмий веб-сайти бўлиши лозим.
Веб-сайтларда:

• иқтисодий, молиявий ва бошқа статистик маълумотлар, ҳар чоракда йиллик бизнес-режанинг бажарилиши ва стратегик мақсадларга эришиш кўрсаткичлари жойлашитирилиши лозим;

Давлат активларини бошқариш агентлигининг маҳсус ахборот тизимида ҳар чорак ва йил якунлари бўйича (чорак тугагандан сўнг 40 кун ичида, молия йилининг 25 февралигача):

• бизнес-режа бажарилиши кўрсаткичлари;
• ишлаб чиқариш қувватларидан фойдаланиш;
• солиқ ва давлат мақсадли жамғармаларига тўловлар;
• ташқи қарздорлик;
• маҳаллийлаштириш ва инвестиция лойиҳалари бажарилиши тўғрисидаги маълумотларни жойлаштирадилар.

Веб-сайтларга қўйиладиган талаблар тегишли вазирлик ва идоралар томонидан биргаликда ишлаб чиқиладиган низом билан тартибга солинади.

Манба: Ўзбекистон Республикаси Давлат активларини бошқариш агентлиги