ТОШКЕНТ, 15 октябрь. /«Дунё» АА/. «Ўзбекистон Республикаси Ташқи иқтисодий фаолият миллий банки» АЖ томонидан Лондон фонд биржасида 5 йиллик 300 миллион долларга тенг еврооблигациялар муомалага чиқарилди, деб хабар бермолқда «Дунё» АА мухбири.

Молия вазирлиги ахборот хизмати маълум қилишича, еврооблигацияларнинг илк эмиссияси Ўзбекистон Миллий банки томонидан «Citibank» (АҚШ), «Natixis» (Франция), «SMBC Nikko» (Япония) ва «Газпромбанк» (Россия) каби халқаро миқёсда тан олинган андеррайтинг банклари билан биргаликда амалга оширилди.

Жорий йил 12-13 октябрь кунлари бўлиб ўтган роуд-шоу тадбири доирасида АҚШ, Европа, Россия ва Осиё мамлакатларининг 70 дан ортиқ глобал халқаро инвестори иштирокида глобал аудиоконференцияда (Global Investor Call)  еврооблигацияларни муомалага чиқариш бўйича тақдимот ўтказилди.

Манба: “Дунё” ахборот агентлиги