Ўзбекистон Қуролли Кучлар академиясида “Ҳарбий педагогик фаолиятда инновациялар” мавзусида Республика онлайн илмий-назарий конференция бўлиб ўтди. Унда ҳарбий хизматчилар ва профессор-ўқитувчилар иштирок этди.

– Энг катта бойлик – бу ақл-заковат ва илм, энг катта мерос – бу яхши тарбия, энг катта қашшоқлик – бу билимсизликдир, – дейди Миллий гвардия ҳарбий техник институти кафедра мудири Ш. А. Акрамова. – Конференциядаги маърузам ҳам “Олий ҳарбий таълим муассасаларида “Soft Skill”ни қўллашнинг имкониятлари мавзусида бўлиб, ҳарбий таълимда янги инновацияларни жорий этишдан иборат.

Конференция иштирокчилари ҳарбий педагогик фаолиятда инновацион ёндашувнинг аҳамияти юқорилигини қайд этиб, шу асосда ҳарбий кадрларни тайёрлаш самараси, бўлажак офицерларнинг касбий фаолиятга мослашувида ҳарбий педагогиканинг ўрни, ҳарбий педагогик фаолиятнинг долзарб муаммоларини ҳал қилиш бўйича ўзларининг таклиф ва тавсияларини беришди.

Айжамал ЖАНИБЕКОВА, Мудофаа вазирлиги Ахборот ва оммавий коммуникациялар департаменти

Манба: Ўзбекистон Республикаси Мудофаа вазирлиги