Жорий йилнинг 15 сентябрь куни Иқтисодий тараққиёт ва камбағалликни қисқартириш вазирлигида Бош вазир ўринбосари, Иқтисодий тараққиёт ва камбағалликни қисқартириш вазири Жамшид Қўчқоров ҳамда Россия Федерацияси Бош вазири ўринбосари Алексей Оверчук бошчилигидаги Россия ҳукумати вакиллари ўртасида учрашув бўлиб ўтди.

Кенгайтирилган йиғилишда Молия вазири Тимур Ишметов, Бандлик ва меҳнат муносабатлари вазири Нозим Хусанов, Давлат солиқ қўмитаси раиси Шерзод Кудбиев, «Ўзстандарт» агентлиги директори Дилшод Саттаров, шунингдек, бошқа вазирлик ва идораларнинг масъул ходимлари иштирок этишди.

Учрашув бошида Алексей Оверчук Ўзбекистон Республикаси ва Россия Федерацияси ўртасидаги ўзаро манфаатли стратегик шерикликнинг юқори аҳамияти ҳақида таъкидлади.

Томонлар минтақавий ҳамкорлик доирасидаги бир қатор лойиҳаларни муҳокама қилишди. Хусусан, солиқ ва божхона маъмуриятчилигини такомиллаштириш бўйича ҳаракатлар режасининг бажарилишини кўриб чиқдилар.

Маълумот учун: Бугунги кунга келиб, солиқ маъмурияти тизимини ривожлантириш, шу жумладан мол-мулкка солиқ солишни такомиллаштириш ва солиқ тўловчилар билан ишлаш тизимини яратиш (2019-2020 йй.) мақсадида Ўзбекистон Республикаси Молия вазирлиги ва Россия Молия вазирлиги ўртасида Россия Федерацияси томонидан Ўзбекистонга беғараз техник ёрдам кўрсатилиниши тўғрисида шартнома имзоланган.

Ушбу Шартномани амалга ошириш доирасида қуйидаги йўналишлар бўйича ишлар олиб борилди:

1. Электрон ҳисоб-фактуралар ва ҚҚС маъмурияти бўйича бизнес-жараёнларни оптималлаштириш.

2. Ўзбекистон Республикасида кўчмас мулкка солиқ солишни такомиллаштириш концепцияси.

3. Ўзбекистон солиқ органларида солиқ тўловчилар билан ишлашни ташкил этиш концепцияси.

4. Солиқ ўрганлари ходимларининг солиқ тўловчилар билан ўзаро самарали ишлаши бўйича ўқув дастурини ишлаб чиқиш.

5. Ўзбекистон Республикаси солиқ органлари учун корпоратив услубни яратиш. Ўзбекистон Республикаси солиқ органларининг корпоратив идентификацияси концепцияси ишлаб чиқилди ва тақдим этилди.

Федерал Солиқ хизмати билан ҳамкорликни давом эттириш бўйича қуйидагилар ҳамкорликнинг ИИ босқичи доирасида ишлаб чиқилган:

а) замонавий технологиялардан фойдаланишни таъминлайдиган амалий дастурий таъминотни ишлаб чиқиш:

б) техник ходимларни тайёрлашни ташкил этиш ва ўтказиш;

c) амалий дастурий таъминотнинг синов ва жорий қилиш жараёнларини қўллаб-қувватлаш;

д) Биг Дата маълумотларни қайта ишлаш учун аналитик тизимни ишлаб чиқиш ва жорий этиш;

Кадастр фаолиятини такомиллаштириш соҳасидаги ҳамкорлик ҳам муҳокама қилинди. Ҳозирда Росреэстр билан, Россия Федерал Солиқ хизмати томонидан амалга ошириладиган кўчмас мулкни солиққа тортишни такомиллаштириш бўйича лойиҳани давом эттиришни ҳисобга олган ҳолда, 2020-2021 йилларда ҳамкорлик тўғрисида музокаралар олиб борилмоқда. 

Россия томонининг техник кўмаги билан «Давлат кадастрини баҳолаш тизимини яратиш ва кўчмас мулк объектларининг кадастр қийматини аниқлаш, шу жумладан, Ўзбекистон Республикасида солиқ мақсадлари учун» лойиҳаси доирасида қуйидаги йўналишларни амалга ошириш режалаштирилган:

а) кўчмас мулк объектларини оммавий тест-баҳолашини ўтказиш;

б) кўчмас мулк объектларини ҳисобга олиш, рўйхатдан ўтказиш ва давлат кадастр баҳосини ўтказиш тартиби, унинг натижаларини тасдиқлаш ва қўллаб-қувватлаш учун норматив-ҳуқуқий таъминотни ишлаб чиқиш;

д) давлат кадастр баҳосини ўтказишнинг ягона методологиясини ишлаб чиқиш;

э) автоматлаштирилган ахборот тизимларини яратиш учун дастурий ва техник ечимларни ишлаб чиқиш ва синовдан ўтказиш («Давлат кадастрини баҳолаш маълумотлари фонди», «Кўчмас мулк бозори мониторинги», «Кадастр қийматини аниқлаш»);

ф) таълим дастурларини ишлаб чиқиш ва кадастр қийматини белгилайдиган ва кадастр қийматини аниқлаш билан шуғулланадиган мутахассисларни тайёрлаш.

Учрашув якунида, томонлар келгусидаги ҳамкорликнинг асосий йўналишларини белгилаб олдилар, шунингдек амалга ошириладиган тадбирлар бўйича келишиб олдилар.

Манба: «Янги Ўзбекистон»