Халқ таълими вазирлиги, Инновация, технология ва стратегия маркази, ҳамда Gam Zale​ билан ҳамкорликда ташкил этилган Edu Market​ интерактив виртуал таълим дастурининг онлайн-олимпиадаси мактаб ёшидаги болалар ўртасида ўтказилган эди.

Андроид ва iOS​ платформалари фойдаланувчилари орасида ўтказилган олимпиадада 12 ёшгача бўлган 20 000 дан ортиқ мактаб ўқувчилари фаол иштирок этди.

Сарвинос Ривожҳонова 1- ҳафта якуни бўйича ғолибликни қўлга киритган бўлса, 2,3 ва 4- ҳафта натижалари бўйича Ҳалима Воҳидова, Зуҳра Акбаровна ва Алибек Бахшуллаев биринчиликни эгаллашди.

Энг яхши кўрсатгич қайд этиб, 1-ўрин эгаллаган ғолибларга асосий совға - ПЛАНШEТ, қолган ғолибларга эсдалик совғалари тақдим этилади.

Ғолибларни тақдирлаш маросими мамлакатимиздаги эпидемиологик вазият яхшиланганидан кейин бўлиб ўтади.

Манба: ЎзА