Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ёш робототeхниклар аниқланди
2020-06-30 | Технологиялар
Қарши шаҳрида «Ёшлар ойлиги» доирасида Ўзбекистон ёшлар иттифоқи Қашқадарё вилояти Кенгаши ташаббуси билан «Робо футбол» мусобақаси ўтказилди. Унда 16 нафар истеъдодли ёш робототехниклар бош соврин учун курашди.
– Бизнинг робототехника тўгарагимиз Қарши шаҳридаги “Nasaf ilm maskani” ўқув масканида бир йилдан бери фаолият кўрсатмоқда, - дейди тўгарак раҳбари Шоҳруҳ Мирзаев. – Бу янги йўналишга қизиқувчи болалар талайгина. Машғулотларни яқинда бошлаганимизга қарамай, шогирдларим билан республика ва халқаро мусобақаларда қатнашиб, фахрли ўринларни эгаллашга муваффақ бўлдик. Бугунги мусобақани томоша қилган ёшларнинг кўпчилиги бу йўналишни ўрганишга хоҳиш билдиришди.
Мусобақа якунида ғолиб ва совриндорлар эсдалик совғалари билан тақдирланди.
Жамшид НОРҚОБИЛОВ(сурат), ЎзА
Манба: ЎзА
