Белгиланган 8 соатлик иш давомийлигида жуда кўп вазифаларни уддалаш керак. Топшириқлар бир дунё! Хоҳлаймиз. Лекин қандай уддалаймиз?! Мазкур саволларга жавоб бериш мақсадида бугун Бандлик ва меҳнат муносабатлари вазирлиги ходимлари билан вақт менежменти масаласига бағишланган семинар-тренинг ташкил этилди.

Учрашув давомида кунни режалаштириш, ишни ташкиллаштириш, вақтни бошқариш ва тартибга солиш, муҳим-номуҳим вазифаларни бажаришда вақт тақсимоти, диққатни назорат қилиш, дам олиш вақтидан унумли фойдаланиш каби мавзуларда фойдали маслаҳатлар берилди.

Хабарингиз бор, ҳукуматимиз томонидан давлат хизматчиларининг меҳнат ҳуқуқларини ҳимоя қилиш, белгиланган вақтдан ортиқ ишлашига йўл қўймасликка алоҳида эътибор қаратилмоқда. Республикамиз бўйлаб меҳнат қонунчилиги бузилишига қарши курашиш юзасидан амалий тадбирлар олиб борилмоқда.

Манба: Ўзбекистон Республикаси камбағалликни қисқартириш ва бандлик вазирлиги