Belgilangan 8 soatlik ish davomiyligida juda ko‘p vazifalarni uddalash kerak. Topshiriqlar bir dunyo! Xohlaymiz. Lekin qanday uddalaymiz?! Mazkur savollarga javob berish maqsadida bugun Bandlik va mehnat munosabatlari vazirligi xodimlari bilan vaqt menejmenti masalasiga bag‘ishlangan seminar-trening tashkil etildi.

Uchrashuv davomida kunni rejalashtirish, ishni tashkillashtirish, vaqtni boshqarish va tartibga solish, muhim-nomuhim vazifalarni bajarishda vaqt taqsimoti, diqqatni nazorat qilish, dam olish vaqtidan unumli foydalanish kabi mavzularda foydali maslahatlar berildi.

Xabaringiz bor, hukumatimiz tomonidan davlat xizmatchilarining mehnat huquqlarini himoya qilish, belgilangan vaqtdan ortiq ishlashiga yo‘l qo‘ymaslikka alohida e’tibor qaratilmoqda. Respublikamiz bo‘ylab mehnat qonunchiligi buzilishiga qarshi kurashish yuzasidan amaliy tadbirlar olib borilmoqda.