2020 йилнинг 4-7 март кунлари Россиянинг Приморье ўлкаси Ҳукумати раиси ўринбосари Константин Шестаков бошчилигидаги делегация Тошкент шаҳрига ташриф буюради.

Мамлакатимизнинг Владивосток шаҳридаги Бош консулхонаси берган маълумотга кўра, ташриф дастурида Инвестиция ва ташқи савдо вазирлигида, Транспорт вазирлигида, “Ўзбекозиқовқатхолдинг" холдинг компанияси ва Ўзбекистондаги хусусий бизнес вакиллари билан икки томонлама музокаралар ва учрашувлар ўтказиш кўзда тутилган.

Ўзбекистондан мева ва сабзавотларни Приморье ўлкасига етказиб бериш, улгуржи ва чакана савдо тармоқлари ҳамкорлиги, савдо-иқтисодий алоқаларни кенгайтириш мақсадида транспорт-логистика соҳасидаги ҳамкорликка доир масалаларни муҳокама қилиш режалаштирилган.

Манба: Ўзбекистон Республикаси Ташқи ишлар вазирлиги